SAVE TANO & TAO TOBA,




Panurat : Tansiswo Siagian.

Ise mandok Tao Toba na so uli, dorun nungnga gok hurapok
Ise mandok Tao Toba roa, gok parihan di huruhuruan
Ise mandok Tano Toba pogos, ala tungil, tano soada be na napu
Ise mandok Tano Toba ndang adong pansarian, 
gabe gok bungkas manadingkon toba?
Ise mandok tombak ni Toba suda digopui si leban, 
gabe salansapon mahirtang so tubuan hau?
Ise mandok tano Batak gok parbandaan, tambak, holan tugu
Ise mandok halak Batak ndang jogi jala ndang anak ni raja, 
namalo jala nasangap ?
Ise mandok halak Batak ndang rade mate 
mangalo pamisat na naeng manggomak tanona holi-holi ni ompung nasida ?
Ise mandok halak Batak torop gabe hatoban di hutana haduan, 
ala suda tanona tu panggadisan?
Ise mandok halak Batak pasombu Tano nang Taona di segai halak si leban 
ala pangago ni ringgit si tio soara?
Ise mandok partogi halak Batak marsipalessem pamajuhon Toba, 
alai na pogos hot marpogos jala maup gabe hatoban?
Ise mandok halak Batak haduan ndang be parnampuna Tano nang tao Toba 
holan ala pangela ni Parawisata na so dung ni antusanna?
Ise mandok, halak Batak deba pangejengon manomu MONACO of ASIA, 
gabe marnipi ia dung ngot manogot hutana nungnga halak parnampuna?

Ise mandok ?


Toba, 12/05/2016.

Masukkan email anda untuk berlangganan artikel kami